Eduardo Baamonde percorre en acuarelas as comarcas do Val Miñor e do Baixo Miño rexistrando as súas vilas (Baiona, A Guarda, Tui, etc.), as súas paraxes naturais (O Folón, Monte Aloia, etc.) e o seu variado patrimonio (catedral de Tui, mosteiro de Oia, etc.). Xunto a algúns dos exemplos máis recoñecibles e populares, conviven outros recunchos menos coñecidos pero que axudan a conformar un fermoso panorama desta atractiva comarca.